سواليف وحكي فاضي

اثاري الشوق والعشره سواليف وحكي فاضي
واثاري كل حكايتنا تسالي وقت مو اكثر
ياقلبي لا يبكونك وخلك مومن وراضي
مادام الله كتب حزنك تحسب بس وتصبر

كم ضحكت على هذه الأبيات وأنا أقول مستحيل

والآن هأنا ذا اضحك على نفسي وحيداً

Away from city, get peace of mind

 

//شعيب صلبوخ

الرياض

Mood of Today

كيف أموتك جرح وأحيابك جروح
كيف ألمك شوق وأرجع أنثـرك
كيف أصور للجسد نزعات روح
كيف أنامك ليل وأرجع أسهـرك
المحاجر من لهـا ملـح يفـوح
والحنايـا قوتهـا مـن سكـرك
عجزت أفواه السوالف لا تبـوح
تلبس أيامي محاسـن مظهـرك
نامت عيون القصايد وين أروح
الحناجـر صوتهـا مايـعـذرك
كل ماحسيـت بأطيافـك تلـوح
في شتـات العمـر قلـت أدورك
يعني أشيـاك تغنـي للوضـوح
ياسنين الوقت كيـف أصـورك
الجنون يحدنـي أهـدم صـروح
وأترك العالـم وأنـام بمحجـرك
وانثتني في صمت آهاتي وأنوح
وارتمي بأحضان وقتي وأشكرك
الذنوب أخوان وأيامـك تـروح
طشها للريح من خلـف ظهـرك
كان موتك جرحك بـ أحيابك جروح
وأجمعك في شوق وأرجع أنثرك

//بدر الضمني

2012

 

كل عام وأنتم بخير

أسأل المولى القدير أن تتحقق أمانيكم